वडा नम्बर १६ को वडा भेला सम्पन्न : वडालाई नमुना बनाउने कार्यमा दृढ छौ – अध्यक्ष अन्सारी
नेपालगन्ज : बिकास निमार्णको कार्य र वडाको समग्र बिकासको लागी नेपालगन्ज उपमहानगरपालिका वडा नम्बर १६ ले वडा भेला गरेर योजना छनौट गरेको छ ।
नेपालगन्ज उप-महानगरपालिका वडा नम्बर १६ को वडा भेला सम्पन्न गरेर आर्थिक वर्ष २०८०-८१ को लागि वार्षिक कार्य योजना तर्जुमासहित गरेको हो ।
नेपालगन्ज उपमहानगरपालिका वडा नम्बर १६ को वडा भेलामा विभिन्न राजनीतिक दलका अगुवा, शिक्षक, समाजसेवी, संघ-संस्थाका प्रतिनिधि र वडावासीको उपस्थितिमा रहेको थियो ।
भेलामा वडाबासीको मागलाई प्राथमिकता दिदै अब हुने ०८०-८१ मा नेपालगन्ज उपमहानगरपालिका भित्र पर्ने सडक, विजुली वत्ती, शिक्षा, स्वास्थ्य, खानेपानीलगायतका योजना माग गरेका र सोही अनुसार नै वार्षिक कार्य योजना तर्जुमा गरिने वडा अध्यक्ष कलिम अहमद अन्सारीले बताएका छन् ।
वडा अध्यक्ष अन्सारीका अनुसार टोलबासी योजना माग नै वडाको विकास हो । टोलमा के समस्या छ हामी बुझेर साधान गर्ने गरेका पनि छोै र आफनो कार्यकालमा वडा नम्बर १६ लाई नमुना वडा बनाउने दोैडमा रहेका छौं ।
नेपालगन्ज उपमहानगरपालिका वडा नम्बर १६ का टोल-टोलमा सिसिटिभि जडान साथै सोलार लाइट जडान , वडाका विद्यालयमा निगरानी, राजस्व संकलनमा जोड , विद्यालय र स्वास्थ्य संस्थाहरुको स्तरोन्नति, धार्मिक स्थल लगायत सार्वजनिक जग्गाको संरक्षण, सीप विकास कार्यक्रम सञ्चालन, कृषिको लागि प्रोत्साहित गर्ने र आत्मनिर्भर गराउने कार्यक्रमलगायत योजना अघि बढाउने अध्यक्ष अन्सारीले बताए ।
Discussion about this post